Në ty është derdhur qielli dhe deti
Në sytë tu fle kaltërsia pa kufi
Në shpirtin tim zgjohet tërmeti
Llahtar për mua është kjo dashuri.

Llahtar e dhembje, jetëvdekje plot
Që po ma bren shpirtin përditë ngapak
Ti moj kaltërsi, dhembje, qeshje, lot
Dashuri- llahtar, mjaltë e farmak.

Llahtar-dashuri, imja gjeratore
Trekëndësh i Bermudeve, që m tërheq n thellësi
Anije mes tallazesh e deteve kaltërore
Imja jetëvdekje, imja përjetësi.

1990

Një koment për “Kaltërsi”